U rrëzua nga mali dhe theu këmbën, gjendet pas disa orësh kërkime turisti polak

22:45 | 29 Gusht 2019
Trina Galanxhi

Turisti polak që u rrëzua nga maja e Harapit ka thyer këmbët dhe e ka të pamundur që të lëvizë. Për ta shpëtuar, është kërkuar ndihmë nga ajri, ndërkohë që banorët janë nisur vetë me barela në duar për ta shpëtuar.

Ambulanca e ka të pamundur që të mund të ecë në këtë terren të vështirë.

“Ne jemi duke i dalë në majë të Harapit në krahun e majtë. Ai duhet të ketë humbur rrugën dhe ka thyer këmbën. Ne na ka njoftuar e fejuara e tij. Ai është i vetëm. Ne kemi marrë barelat tek ambulanca se ajo nuk ngjitej dot. Ka mundësi që do na duhet rreth një orë për të mbërritur tek i lënduari.

Ai ka ndjekur një rrugë që e ndjekin edhe turistë të tjerë. E fejuara e tij na ka dhënë koordinatat”, tha Xhimi Guri, banor i zonës për Report Tv. Banorët u njoftuan nga e fejuara e turistit polak për vendodhjen dhe po bëjnë përpjekjet për ta shpëtuar atë.

Shpërndaje në rrjete sociale

Lajmet më të lexuara

Të ngjashme

Foto lajm